Napoli, 10 shtator - Pas një merkatoje vere të shkëlqyer, Napoli është gati të përforcojnë skuadrën me 4 futbollistë të tjerë gjatë merkatos së Janarit.

Klubi nënkampion Italie kërkon mbrojtësin e Barcelonës Martin Montoya, i cili pëlqehet shumë edhe nga Inter, ndërsa nga \"Camp Nou\" mund të mbërrijë edhe argjentinasi Javier Mascherano, ish lojtar i Rafa Benitez te Liverpool.

Sipas asaj që shkruan \"Corriere dello Sport\", Benitez nuk ka hequr dorë ende nga nxënësit e tij. Një tjetër, që pëlqehet shumë prej tij, është edhe mbrojtësi i Liverpool Martin Skrtel. Qëndërmbrojtësi është emri i parë për përforcimin e mbrojtjes.

Përsa i përket mesfushës emri më i përfolur është 25-vjeçari i Anzhi, Jucilei da Silva, të cilit i mbaron kontrata verën e ardhshme.