Londër, 8 dhjetor - Ruud Gullit, legjenda holandeze ka kritikuar performancën e bluve në humbjen nga Newcastle United (2-1), duke thënë se Jose Mourinho ka nevojë për një plan B për të nxjerrë skuadrën nga problemet që mund t’i ketë në të ardhmen.

“Problemi për Chelsean është që ata do të ballafaqohen edhe me shumë skuadra tjera si kjo”, ka thënë Gullit.

“Ata u takuan me Sunderlandin dhe arritën vetëm një barazim, prandaj pyetja është se çfarë duhet të bëjë Mourinho? Nëse Chelsea luan me shumë lojtarë në mes të fushës dhe nuk funksionon, atëherë duhet të keni planin B”.

“Kur Didier Drogba u fut në takim ndryshoi formacioni sepse ishin dy sulmues, Drogba dhe Diego Costa, por nuk funksiononte. Jose Mourinho ndryshoi gjërat, por kjo ishte shumë vonë”-ka shtuar ish-futbollisti i bluve.

 Chelsea tashmë ka vetëm tri pikë më shumë se Manchester City që po e ndjek në Ligën Premier.