Madrid, 30 dhjetor - Mesfushori kroat, Luka Modriç beson se Mateo Kovaçiç duhet të luajë në një klub më ambicioz se Interi, madje nuk ngurron të flasë edhe për destinacionin që duhet të ndjekë talenti ballkanas.

“Te Reali i Madridit më pyesin gjithmonë për të. Është një talent fenomenal dhe unë besoj se do të përfundojë në një klub të madh. Interi është një skuadër e madhe, por ai meriton më shumë”.

Urimi i Modriçit është që një ditë të luajë përkrah bashkëkombësit te Reali i Madridit. Një mesazh i qartë nga futbollisti më i mirë i vitit 2014 në Kroaci, i cili në fund ai flet për sezonin e suksesshëm të skuadrës “Merengues”.

“Suksesi në Champions ishte një ëndërr e bërë realitet. Kur ngrita trofeun mendova për familjen dhe trajnerin e parë, Basiç sepse pa të nuk do të isha këtu ku jam. Ndeshja më e bukur është ajo kundër Bajernit në Gjermani”.