Milano, 22 maj - Milan ka zyrtarizuar marrëveshjen për transferimin e portierit të Chievos, Michael Agazzi në kontratë trevjeçare.

29-vjeçari përfundoi qëndrimin në Marc Antonio Bentegodi, dhe Rossonerët reaguan shpejt duke e angazhuar atë, si përforcim i lirë.

“Milan njofton se ka transferuar Michael Agazzin, i cili ka nënshkruar kontratë deri më 30 qershor, 2017”, thuhej në komunikatën e klubit.

Agazzi bëri mbi 100 paraqitje për Cagliarin para transferimit në Chievo në janar, ku qëndroi vetëm gjashtë muaj. Ardhja e tij sinjalizon largimin e Marco Amelias nga San Siro.