Barcelonë, 31 janar - Josep Maria Bartomeu sapo ka marrë detyrën e tij si president i Futboll Klub Barcelona dhe premtimi i parë që ka bërë është se, Lionel Messi, si futbollisti më i mirë në botë, do të jetë gjithashtu futbollisti më i paguar në botë.

Për katër herë fituesin e \"Topit të Artë\" po bëhet gati rinovimi i kontratës. Një kontratë superiore për të, me një mega pagë vjetore, e cila mendohet të kapë shifrat e 25 milionë eurove në sezon.

20 milionë euro \"Pleshti\" i ka si pagë vjetore neto, më pas 3 milionë bonuse nëse Barcelona fiton Champions League-n dhe 2 të tjera nëse fiton La Liga-n.