Barcelonë, 6 janar - Lionel Messi mbetet realizues i gjuajtjeve të liraSulmuesi i Barcelonës, Alexis Sanchez ka insituar se Lionel Messi do të vazhdojë të realizojë gjuajtjet e lira për Blaugranat, pas performancës së jashtëzakonshme të kilianit në fitoren 4-0 me Elchen.

25-vjeçari shënoi hat-trick për t`ia siguruar tre pikë Barçës dhe njërin nga golat e realizoi nga gjuajtja e lirë, të cilat zakonisht i merr përsipër Lionel Messi.

Sidoqoftë, Alexis është i lumtur që argjentinasi mbetet zgjidhja e parë për gjuajtjet e lira.

“Leo është njëri nga lojtarët që merr përsipër gjuajtjet e lira dhe do të vazhdojë ta bëjë këtë edhe më tej”, ka thënë ish-sulmuesi i Udineses.

“Mendoj se Martino më ka dhënë besimin që më nevojitej si lojtar”, ka shtuar ai. “Një lojtar që ka besim shënon më shumë gola”, ka thënë ai.

Me hat-trickun e realizuar ai bëhet golashënuesi më i mirë i Barcelonës me 11 gola në 14 paraqitje.