Prishtinë, 25 shtator - Sot në ambientet e KB Sigal Prishtina u arrit marrëveshja e re që siguron vazhdimin e mbështetjes së klubit të kryeqytetit nga kompania tashmë e mirënjohur Meridian Corporation.

Kjo marrëveshje konfirmon vazhdimin e bashkëpunimit shumëvjeçar që Meridian Corporation e ka me klubin bardh e kaltër. Të dyja palët shprehën kënaqësinë për vazhdimin e bashkëpunimit, i cili u ka sjell fryte të dyanshme.

Në këtë rast, z. Miftari falënderoi Meridian Corporation për përkrahjen e madhe shumë vjeçare që i jep KB Sigal Prishtinës vazhdimisht. Më tej ai u premtoi se ky klub nuk do të kursej asgjë që edhe në të ardhmen t\'i bëjë krenarë të gjithë ata që e përkrahin klubin.

Në anën tjerër, z. Gashi u shpreh se përkrahja e një ekipi kaq të suksesshëm është nder dhe privilegj për kompaninë që ai drejton. Ai e përgëzoi stafin drejtues të klubit për të gjitha sukseset e arritura gjatë sezonit të kaluar dhe që nuk ka dyshim që sukseset nuk do të mungojnë edhe në vazhdim.