Paris, 7 mars - Jeremy Menez ka bërë të ditur se në fund të këtij edicioni do të largohet nga skuadra franceze PSG, kur edhe i skadon kontrata, njofton të enjten \"L\'Equipe\".

Menez 26-vjeçar, ka bërë të ditur se ka refuzuar rinovimin e kontratës, pasi nuk është i kënaqur me minutazhin te kampioni aktual i Ligue 1.

\"Po largohem për shkak se askush nuk po e vlerëson kontributin tim. Për këtë arsye edhe nuk e kam rinovuar kontratën. I kam edhe disa muaj dhe do ta respektoj kontratën deri në fund për të vendosur pastaj se ku do ta vazhdojë karrierën\", ka thënë Menez, që këtë edicion ka regjistruar 19 ndeshje në të gjitha garat.

Interesim për shërbimet e Menezit kanë treguar skuadrat italiane si Juventus, Milan, Inter e Napoli.