Milano, 28 qershor - Sulmuesi i Milanit, Mario Balotelli, mund të largohet nga San Siro nëse ai nuk ndihet i respektuar.

Këtë e ka paralajmëruar agjenti i sulmuesit, i cili ka lënë mundësitë e hapura për një largim.

“Mario është i pikëlluar, i dëshpëruar”.

“Unë i respektoj komentet e Gallianit, por tani dua t’i përgjigjen Barbara Berlusconit që tha se lojtari është i zëvëndësueshëm”.

“Nëse për të Mario është i zëvëndësueshëm, atëherë ajo duhet të caktojë një takim me mua dhe unë ia tregoj asaj. Mario ka pasur oferta të mëdha të rëndësishme dhe ai i la për shkak se e donte Milanin me zemër. Unë nuk e di nëse ai e bëri këtë për Berlusconët. Nuk e besoj”, ka thënë Raiola.