Milano, 8 nëntor - Mario Balotelli do të largohet nga Milani në merkaton e janarit.

Ky është lajmi i bujshëm që publikon ‘Corriere dello Sport’, gazeta që ka zbuluar planin e klubit kuqezi që kërkon ta shesë sulmuesin e kombëtares italiane tek Paris Saint Germain.

Sipas gazetës sportive, Milani do të mbushë arkat me 30 milionë euro dhe jo vetëm kaq.

Objektivi i vërtetë është të largohen të gjithë lojtarët që kanë menaxher Mino Raiolën.

Kjo do të thotë se në listën e shitjes janë edhe Abate, Niang e Robinho.