Milano, 18 tetor - Moment i errët për Balotellin, që pas apelit ndaj medias e ndoshta dhe tërë botës me komentin në Twiter, duke i kërkuar që ta lënë të qetë, vjen edhe një tjetër dëmtim që fut në telashe klubin kuqezi që bëri të ditur nëpërmjet një komunikate.

“AC Milan komunikon se Mario Balotelli ka pësuar një lëndim në muskulin e kofshës së djathtë. Futbollisti do të monitorohet në ditët e ardhshme për të përcaktuar më mirë rëndësinë e problemit dhe për të stabilizuar prognozën”.

Komunikata zyrtare e klubit është një lajm që i godet fortë tifozët e kuqezinjve. Balotelli do të mungojë në ndeshjen me Udinesen të shtunën mbrëma dhe madje nuk do të jetë pothuajse me siguri edhe për sfidën e Champions League kundër Barcelonës të martën e ardhshme.

Fansat e Milat prisnin rikthimin e tij në skuadër në kampionat, pasi shleu tre javët e skualifikimit, në ndeshjet me Bolonjën, Sampdorian dhe Juven, 3 takime ku kuqezinjtë grumbulluan katër pikë, dhe me fanellën e Milat gjatë kësaj kohe e kishin parë vetëm në përballjen e Champions me Ajaksin e Amsterdamit, ku shënoi golin e barazimit me penallti në fund të takimit, ndërsa me kombëtaren Italiane, pasi humbi ndeshjen me Danimarkën, për shkak të gjendjes gripale, Balotelli luajti kundër Armenisë ku shënoi golin e barazimit 2-2. Tani “SuperMario” ndalet sërish.

Moment i errët për të pas gjithë polemikave të ditëve të fundit, që nga tuiteri ku evitonte përcaktimin si simbol i luftës kundër Kamoras, dhe nervozizmit që krijoi në aeroportin e Napolit pas ndeshjes me Armeninë.

Ndoshta Balotellit mund t’i shërbejnë sadopak si ngushëllim lëvdatat e dy shenjtorëve të futbollit si Fabio Capello e Diego Armando Maradona, ndërsa aktorja dhe prezantuesja televizive, Martina Colombari e gjykon si një shembull negativ.

Çdo 4 futbollistë nga 50 të intervistuar nga e përditëshmja italiane “Gazzetta dello Sport”, e cilësojnë Balotellin si futbollistin më të mbilvlerësuar të Serisë A. Ky është fati i Balotelit, i lindur për të përcarë.