Ankara, 29 shtator - Trajneri italian Roberto Mancini do të jetë trajneri i ri i gjigantit turk të futbollit Galatasaray.

Lajmi bëhet i ditur nga mediat italiane, të cilët kanë raportuar se Mancini është pranë marrëveshjes.

Galata javën e kaluar shkarkoi trajnerin e deritanishëm Fatih Terim, për shkak të rezultateve jo të mira në fillim të sezonit.

Ekipi turk ka dërguar emisarët e tij në Romë, ku po zhvillohen bisedimet me ish-trajnerin e Manchester City dhe Interit.

Galata të mërkurën do të luaj me Juventus në kuadër të Ligës së Kampionëve.