Manchester, 27 tetor - Manchester Unitedi po planifikon ta përgatit një ofertë për Gareth Bale, për afatin kalimtar të janarit.

Mesfushori uellsian nuk e ka gjetur veten në Real Madrid dhe ‘Djajtë e Kuq’ duan ta shfrytëzojnë këtë situatë, për ta sjell në Old Trafford ish futbollistin e Tottenhamit, shkruan ‘The Sunday Times’.

‘Los Blancos’ kishin shpenzuar nga 90 deri në 100 milionë euro për Bale gjatë verës, por lëndimet dhe mungesa e adaptimit bënë që përfaqësuesi uellsian të mos e arsyetojë ende këtë shifër.

Ndërkohë, mediat britanike shkruajnë se klubi nga Old Traffordi po planifikon t’ia vazhdojë kontratën Wayne Rooneyt, i cili ka kontratë aktualisht deri në vitin 2015.