Liverpool, 5 nëntor - Liverpooli shpreson akoma për kualifikim në Ligen e KampionëveTrajneri i Liverpoolit, Brendan Rodgers, ka thënë pas humbjes nga Real Madridi të martën se skuadra e tij ka akoma shpresë për t’u kualifikuar tutje në Ligën e Kampionëve.

Kampioni evropian mposhti Liverpoolin me rezultat 1 me 0 fal golit të Karim Benzemas dhe prin në Grupin B me 12 pikë.

Në pozitën e dytë është Baseli që ka gjashtë pikë, kurse “të kuqtë” kanë tri në pozitën e tretë.

“Ka akoma shanse që të kualifikohemi. E dimë që duhet të fitojmë në Ludogorets dhe më pas kemi takimin me Baselin, kështu që është krejt në duart tona”, tha Rodgers.

“Jemi të zhgënjyer me rezultatin sepse kemi humbur, por performanca ishte shumë më e mirë. Jam krenar me djemtë dhe përkrahjen e madhe që patëm”, shtoi trajneri i Liverpoolit.

Të shtunën Liverpooli takohet me Chelsean në Premier Ligë.