Liverpool, 4 gusht - Menaxheri i Liverpoolit, Brendan Rodgers, e ka mohuar kategorikisht transferimin e Mario Balotellit nga Milani.

Sulmuesi italian gjatë kësaj vere është lidhur me Arsenalin, mirëpo pas deklaratave të Rodgers se ai është një talent i madh, filluan spekulimet se mund të kalonte në Anfield.

“Më pyetën për Balotellin dhe unë tregova se çfarë talenti ka dhe se çfarë lojtari i shkëlqyer është”.

“Mund ta mohoj kategorikisht, ai nuk do të jetë lojtar i Liverpoolit. Ai është një lojtar i mrekullueshëm, por një lojtar i Milanit”.

“Unë thjesht e kam dhënë mendimin tim për të, kjo nuk do të thotë se do ta transferoj”, u ka thënë Rodgers gazetarëve.