Liverpool, 29 prill - Xherdan Shqiri është bërë objektiv i disa skuadrave të mëdha evropiane. Së fundit interesim për yllin kosovar kanë shprehur Sevilla dhe Liverpool.

E ardhmja e Xherdan Shaqirit te Bayern Munich është e pasigurt. Ylli kosovar ka gjasa të largohet nga Allinz Arena gjatë afatit kalimtar të verës.

Kurse, interesimi i klubeve të mëdha evropiane për ish mesfushorin e Baselit nuk mungon. Së fundit interesim për reprezentuesin e Zvicrës ka shprehur Sevilla dhe Liverpool, raporton talkSPORT.

Sipas kësaj të fundit, skuadra nga La Liga dhe ajo nga Premierliga do të mundohen ta angazhojnë mesfushorin kosovar gjatë afatit kalimtar të verës.

Shaqiri ka zhvilluar vetëm 17 ndeshje në Bundesliga këtë sezon, prej tyre vetëm dy është aktivizuar si titullar.

Mesfushori me prejardhje nga zhegra ka konkurrencë të fortë në mesfushë, derisa kjo mund t’ia mbushë mendjen që të kërkoj klub të ri gjatë verës.