Liverpool, 16 gusht - Një sulmues të klasit botëror për të mbushur vendin bosh që la Luis Suarez.

Këtu po bazohet merkatoja e Liverpool, siç shprehet edhe vetë tekniku i \"The Reds\" Brendan Rodgers.

Dy janë objektivat primarë të klubit nga \"Anfield Road\": Radamel Falcao dhe Edinson Cavani, por mbetet edhe opsioni Samuel Eto\'o.

\"Paratë i kemi dhe do shohim të përmirësohemi deri në ditën e fundit të merkatos. Nuk është e lehtë të marrësh një sulmues të nivelit të lartë por duhet ta provojmë\", shprehet Rodgers.

Për 28-vjeçarin kolumbian interesohet edhe Real Madrid, ndërsa përsa i përket \"El Matador\" ky i fundit nuk ka shumë dëshirë të lerë Parisin.