Dortmund, 25 shtator - Sulmuesi i Borussia Dortmundit Robert Lewandowski u ka dhënë fund spekulimeve për të ardhmen e tij duke thënë se ai do t`i bashkohet Bayern Munichut si transfer i lirë në vitin 2014.

Polaku 25 vjeç, ishte lidhur me një largim nga Signal Iduna Park gjatë kësaj vere por lëvizjen e tij e bllokoi BVB-ja dhe e detyroi të qëndrojë së paku edhe një vit nën urdhrat e Jurgen Kloppit.

Kur u pyet nga “Sport1” nëse ai mund të konfirmojë kalimin e tij në Bayern gjatë muajit janar, ai u përgjigj: “Po, sepse atëherë edhe zyrtarisht mund të nënshkruaj kontratën”.

Reprezentuesi polak ka shënuar 80 gola në 149 paraqitje për Dortmundit prejse u transferua nga Lech Poznan në vitin 2010 për 4.5 milionë euro.