Madrid, 10 tetor - Ngjyhet me “blanco” e ardhmja e Robert Lewandowskit. Sulmuesi polak i Borusias së Dortmundit që prej kohësh dukej se ishte vetem një hap larg transferimit në qershor te Bajerni i Mynihut, mundet që të bëjë një ndryshim sensacional kursi për ta vazhduar karrierën e tij te Reali i Madridit.

Futbollisti të cilit i skadon kontrata me verdhezinjtë në fund të sezonit, ka përfunduar në radarët e skuadrës së Karlo Ancelotit, që kërkon një sulmues të parë i kushtëzuar nga rendimenti zhgënjyes i Karim Benzema.

Sipas të përditëshmes spanjolle As, Reali është gati ti ofrojë Borusias së Dortmundit 10 deri në 12 milionë euro që në janar. Kjo zgjidhje do të ishte e mirepritur nga klubi gjerman, që në këtë mënyrë do të arkëtonte një shifër jo të vogël nëse marrim në konsideratë se në qershor futbollisti do të lirohet nga detyrimet e tij kontraktuale.

Një tjetër motiv që shtyn Levandovskin drejt Bernabeut është ai se trajneri i Bajernit të Mynihut, Pep Guardiola ka ngritur dyshime mbi përforcimin me sulmuesin polak, duke e konsideruar Mandzukic si pikën ideale të referimit për skuadrën bavareze.

Reali është gati të hidhet në sulm, por për “los blancos” nëse arritja te Levanovski do të rezultojë e pamundur , mbeten të nxehta edhe pistat e Kun Aguero dhe Radamel Falkao , i cili ka vendosur në kontratën me Monaco një kluazolë të vecantë që e liron nga detyrimet në rast se e kërkon Reali i Madridit.arrijë 1 milion euro.