Torino, 23 dhjetor - Po zhvillohej minuta e shtatë e ndeshjes kur Carlos Tevez shënoi për epërsinë e ekipit mysafir.

Maximiliano Moralez arriti ta barazojë rezultatin duke mposhtur Buffonin (15’). Ky ishte goli i parë që pranonte Juve pas 744 minutash lojë në Serie A.

Mirëpo, menjëherë posa filloi pjesa e dytë (46’), Asamoah krosoi, Llorente asistoi dhe Paul Pogba e riktheu epërsinë e bardhezinjve.

Për të mos lejuar ndonjë befasi u përkujdes Fernando Llorente me golin e tretë të mysafirëve (75’). Chiellini ishte asisitues.

Bianconerët nuk u ndalën këtu. Arturo Vidal shtoi edhe golin e katërt (79’).

Juventusi numëron 46 pikë në krye të tabelës, pesë më shumë se përcjellësi i parë, Roma.