Torino, 18 gusht - Juventusi ka prezantuar edhe zyrtarisht me fanelën bardhezi blerjen e mesfushorit Manuel Locatelli dhe e kanë prezantuar atë me stil.

Në spotin e prezantimin, skuadra torineze ka zgjedhur të përfshijë edhe Khaby Lame afrikanin e natyralizuar italian i shndërruar në njeriun më të ndjekur në rrjetet sociale në Itali falë videove të tij humoristike.

Bardhezinjtë spotin e shoqërojnë me komentet e tifozëve “të padurueshëm” që kanë ngacmuar vazhdimisht klubin për vonesën në blerjen e Locatellit.

E në fund, përgjigjen e jep Khaby Lame, që u “prezanton” Locatellin me fanelën bardhezi.