Torino, 5 janar - Juventusi ka gati planin e blerjes së Radamel Falcaos në rast se Manchester Unitedi vendos të mos e blejë kartonin e tij.

Sulmuesi në pronësi të Monacos është i huazuar në Old Trafford deri në fund të këtij sezoni, ndërsa klubi anglez e ka edhe opsionin e blerjes së tij.

Djajtë e Kuq duhet të paguajnë 45 milionë euro nëse dëshirojnë ta mbajnë kolumbianin.

Mirëpo, sipas Sunday Mirror, në rast se Unitedi refuzon ta paguajë këtë shumë, atëherë Juve do të fillojë zbatimin e planit të vet.

Që nga largimi i Alessandro del Pieros, Bianconerët nuk kanë arritur të gjejnë një sulmues klasi, megjithëse paraqitjet e Carlos Tevez janë për t’u lëvduar.