Torino, 14 gusht - Juventus është duke kërkuar një mesfushor për të zëvendësuar Arturo Vidalin.

Skuadra italiane, Juventus duket se e ka gjetur zëvendësuesin e Arturo Vidalit, i cili për 37 milionë euro kaloi në Bayern Munich.

Favorit është futbollisti i Schalkes, Julian Draxler, por në rast se dështon ai, atëherë Massimiliano Allegri ka gjetur zëvendësuesin e tij.

Christian Eriksen i Tottenham Hotsopur është dëshira e re e trajnerit italian.

Mesfushori danez ka shkëlqyer me skuadrën e tij dhe një ndërrim ambienti do të ishte shumë i mundshëm, pasi dëshira e lojtarit është që të luaj për një skuadër që lufton për tituj dhe merr pjesë në Ligën e Kampionëve.