Torino, 5 shtator - Juventusi ia ka mësyrë Xabi Alonsos. Mesfushorit spanjoll i skadon kontrata me Real Madridin gjatë verës së ardhshme dhe Bianconerët synojnë ta rrëmbejnë pa para 31 vjeçarin, njoftojnë mediat italiane.

‘Los Blancos’ nuk po mendojnë t’ia vazhdojnë kontratën ish futbollistit të Liverpoolit, prandaj gjiganti italian mund ta marrë atë gratis gjatë vitit të ardhshëm. Për Alonson flitej edhe për një rikthim eventual në Anfield Road.

Përfaqësuesi spanjoll shihet si një zëvendësues ideal i Andrea Pirlos, i cili mund të largohet nga Juventus Stadium gjatë vitit të ardhshëm.