Torino, 14 dhjetor - Skuadra italiane Juventus dhe dy skuadrat angleze, Liverpool e Everton, janë të interesuara që gjatë afatit kalimtar të janarit ta transferojnë mesfushorin shqiptar të Fulhamit, Pajtim Kasami.

\"Interesim kanë shprehur dy skuadrat angleze, Liverpool e Everton, por edhe Juventusi nga Italia për ish-lojtarin e Palermos, Pajtim Kasami.\"

\"Të tri skuadrat ka kohë që po e ndjekin zhvillimin e Kasamit dhe duan të përforcojnë radhët e tyre\", ka njoftuar të premten ueb faqja italiane \"sportsdirectnews.com\".

Kasami, 21-vjeçar, me skuadrën e Fulhamit ka kontratë deri në qershor të vitit 2015.