Torino, 13 nëntor - Pasi realizoi një goditje të madhe me të riun Paul Pogba vitin e kaluar, Juventusi kërkon të përforcojë ekipin me një tjetër talent francez. Bëhet fjalë për Antoine Griezmann të Real Sociedad.

Klubi torinez do të mundohet ta sjellë në Itali lojtarin që në merkaton e janarit dhe ka kontaktuar tashmë me vetë futbollistin. Skuadra spanjolle e di këtë dhe drejtuesit e saj do i ofrojnë një rinovim kontrate 22-vjeçarit.

Që nga debutimi i tij 4 vite më parë, loja dhe golat e shënuar kanë zgjuar interesin e shumë klubeve të mëdha europiane, mes të cilëve Barcelona dhe Tottenham.

Sipas ‘El Mundo Deportivo’, Griezmann është i gëzuar për interesimin e “Zonjës së Vjetër”, por do të presë fillimisht se çfarë do i ofrojë klubi aktual para se të marrë një vendim.