Londër, 12 dhjetor - Paraqitja e parë e Adnan Januzajt në Ligën e Kampionëve është vlerësuar si pozitive nga mediat britanike.

Tabloidit britanik, Daily Mail ka shkruar se talenti kosovar me paraqitjen ndaj Shakhtar Donetsk ka treguar se ka potencial.

Sipas kësaj gazete, ai i ngjan një lojtar tradicional të Manchester Unitedit në çdo kuptim, derisa teknikisht është i shkëlqyer. Ai gjithashtu ka treguar aftësi të mira në kontrollimin e topit dhe vazhdimisht ka qenë në kërkim të kundërsulmeve.

Sipas Daily Mail, kandidimi i Adnan Januzajt nga BBC për çmimin sportisti më i mirë i ri (“BBC Young Sports Personality”) ka qenë shumë i drejtë.

Madje, thuhet se BBC e ka bërë këtë veprim për ta bindur Januzajn që të luaj për Anglinë, kur të vendos se cilin shtet ta përfaqësoj.

Në ndeshjen kundër Shakhtar Donetsk, nga minuta e parë për ekipin nga ‘Old Trafford’ ka luajtur Adnan Januzaj.

Januzaj këtë sezon ka debutuar edhe në Premierligë, ku deri më tani ka zhvilluar 9 paraqitje për Manchester Unitedin. Kosovarit nuk i është dashur shumë kohë që t’i tregoj vlerat në Premierligë.