Londër, 12 shtator - Adnan Januzaj ka zbuluar për mediat angleze se është tifoz i bashkëlojtarit të tij, Angel Di Maria.

Ky i fundit kaloi muajin e kaluar tek Manchester United nga Real Madridi, si njëri prej transfereve më të bujshme në afatin kalimtar të verës.

Ardhja e tij bëri që Januzaj ta ketë edhe më të vështirë rolin e titullarit tek “Djajtë e Kuq”.

“Po stërvis me Di Marian. Ai është një lojtar që e pëlqej shumë, është i fortë teknikisht dhe ai është një asistues i shquar.\"

\"Më duhet të them se ai po ashtu është një lojtar shumë i zgjuar”, deklaroi 19-vjeçari nga Istogu.

Ai tutje ka shtuar se ndihet i lumtur në Manchester United, duke përgënjeshtruar mediat se ai është i palumtur.