Manchester, 4 mars - Mesfushori shqiptar, Adnan Januzaj, ka mahnitur të gjithë me lojën e treguar ndaj Sunderlandit, edhe pse u inkuadrua gjatë pjesës së dytë.

Në bazë të statistikave të publikuara këtë javë, ai është regjistruar në mesin e lojtarëve më të shpejtë të javës së 27-të në Premier Ligë, duke u pozicionuar në vendin e katërt.

Moussa Sissoko ishte afër të thyer rekordin sezonal për lojtarin më të shpejtë në Premier Ligë.

Mesfushori 25 vjecari, Moussa Sissoko bëri një vrapim mbresëlënës prej 35,24 km/h në fitoren e Newcastles kundër Aston Villas këtë fundjavë.

Top 5 lojtarët më të shpejtë në Premier Ligë këtë fundjavë janë: Sissoko - 35,24 km/h; Agbonlahor - 34,87 km/h; Diouf - 34,83 km/h; Januzaj - 33,94 km/h dhe Taylor - 33,8 km/h.