Gjilan, 7 prill - Klubi i Futbollit \"Drita\" e ka një mundësi të artë për të vazhduar drejt finales dhe për kurorëzim me një trofe në një sezon që nisem jo mirë.

Ajo mundësi është Gjysmëfinalja ndaj Feronikelit për Kupën e Kosovës. Për bardhë e kaltërtit, alternativa e vetme është fitorja. Uroj që kjo ndeshje të bëhet sa më e bukur, lojtaret duhet të japim maksimumin në fushë, duhet të jemi sa më të qetë tha zyrtari i KF.Drites Besim Ismaili.

Në kampionat jemi mirë, sidomos me  fitoren e fundit dhe lojen e treguar ndaj Fushë Kosovës. Javen e ardhshme do të marrim pikë të plota ndaj Hysit , ekip ky që është tërhequr nga garat, kjo na bënë të jemi me të qetë dhe të përkushtohemi për ndeshjen e radhes për Digital Kupen e Kosovës u shpreh nënkryetari i bordit të klubit futbollistik Drita z. Besim Ismaili.

Ta kurorëzojmë me fitore të thellë këtë ndeshje dhe t’u japim gëzim tifozëve tanë “Intelektualeve” që po na ndjekin në qdo hap, ditë e natë, të cilët na kanë mbështetur gjithnjë. KF. Drita është ekipi më i mirë i momentit, duhet ta pranojmë të gjithë, kemi në skuadër lojtarë të dalluar në superligen e Kosovës si Latifi, Zhdrella,Shabani, B.Shabani, Berbatovci,Ramushi,Limani, etj.

Shpresoj të na percjellë fati dhe të shkojmë deri në fund, që ta sjellim trofeun që po i mungonë për shumë vite qytetit të Gjilanit dhe të sigurojmë një vend më të mirë në kampionat tha Ismaili.