Milano, 27 maj - Duket se tani gjithҫka është përcaktuar sa i përket trajnerit të ri të Milanit. Filippho Inzaghi do të jetë numri një i skuadrës për stinorin e ri.

Clarence Seedorf nuk do të vazhdojë ta udhëheq skuadrën ‘rossonere’, Milan edhe në stinorin e ri.

Si kryetrajner pritet që gjatë kësaj jave të emërohet ish-sulmuesi legjendar i klubit, Filippo Inzaghi.

Një raportim të tillë e ka dhënë Goal.com, duke shkruar se krerët e Milanit kanë dështuar të arrijnë një marrëveshje me trajnerin e Sevillias, Unai Emery dhe tani Inzaghi është zgjedhja e tyre e parë.

40-vjeҫari shijoi 11 vite suksesi te Milanit, duke fituar Serien A dhe Ligën e Kampionëve dy herë.

Që nga pensionimi i tij më 2012, ai udhëhoqi të rinjtë e Milanit.