Milano, 11 tetor - Sipas medieve italiane, Inter është i interesuar për transferimin e mesfushorit të Napolit, Marek Hamsik, në fund të këtij sezoni. 

‘Nerazzurrët’ e drejtuar nga ish trajneri i Napolit, Walter Mazzarri, janë të gatshëm të ofrojnë 30 milionë euro për angazhimin e yllit sllovak i cili e ka nisur furishëm edicionin e ri në Serie A. 

Mazzarri dhe Hamsik kanë raporte të shkëlqyeshme mes vete, por mbetet të shihet se cili do të jetë qëndrimi i presidentit Aurelio De Laurentiis i cili në dy stinorët e fundit ka shitur yje si Ezequiel Lavezzi dhe së fundmi Edinson Cavani, të cilët përfunduan në Paris Saint-Germain.