Milano, 16 dhjetor - Pasi mori në Verona fitoren e parë në kampionat si trajner i Interit, që të dielën përballet me Lazion në një sfisë direkte për luftën "Champions", Roberto Mancini po mendon edhe për merkaton e janarit.

Tekniku zikaltër shpreson në një goditje të lirë pasi arkat e klubit nuk premtojnë goditje të mëdha, të paktën në janar.

Mancini do një sulmues të dytë për skuadrën dhe emrat që qarkullojnë janë të shumtë. Pjesë e mirë e tyre nuk po aktivizohen shumë në skuadrat aktuale, ndërsa të tjerët janë në përfundim të kontratave. Për këtë arsye Interi po punon që ti ketë në skuadër që në janar në formë huazimi me të drejtë blerjeje në fund të sezonit.

Mes emrave të kërkuar është edhe Adnan Januzaj, i cili kërkohet edhe nga David Moyes, që së fundmi është ulur në stolin e Real Sociedad. /