Milano, 13 dhjetor - Roberto Mancini është në pritje të disa përforcimeve në mënyrë që në fund të sezonit të tentojë vendin e tretë. Sipas asaj që shkruan \"TuttoSport\", Piero Ausilio vazhdon të kërkojë futbollistë me kosto zero, që mund të vijnë në Milano në formë huazimi.

Alessio Cerci është i pari në listë por mbërritja e italianit lidhet me transferimin e mundshëm të Xherdan Shaqirit te Atletico Madrid.

Dy emrat e tjerë janë Lucas Leiva, që nuk po aktivizohet shumë le Liverpoolin dhe Matija Nastasiç që prej kohësh nuk shihet te Manchester City.