Barcelonë, 3 tetor - Andres Iniesta ka shprehur dëshirën që të përfundojë karrierën e tij në Barcelona, pas spekulimeve të fundit se ai nuk do të nënshkruajë kontratën e re me klubin.

Spekulimet rreth të ardhmes së 29 vjeçarit u përhapën kur reprezentuesi spanjoll refuzoi kontratën e re të ofruar nga klubi katalunas, por ai ka thënë se do të ishte një “ëndërr” për të nëse luan me ngjyrat e Barcelonës.

“Klubi dhe unë duam të njëjtën gjë- të mbyllim marrëveshjen”, ka thënë ai për RAC1.

“Jam te Barcelona që prej moshës 12 vjeçare dhe dua të përfundoj karrierën këtu. E ndjej se vitet më të mira i kam para vetës dhe ato dëshiroj t`i kaloj në Barça. Objektivi im është që të përfundoj karrierën këtu”, ka shtuar ai.