Napoli, 16 maj - Sulmuesi argjentinas, Gonzalo Higuaín pritet të largohet nga napolitanët për të gjetur një skuadër të re, e cila do të marrë pjesë në garën më të madhe evropiane për klube, Ligën e Kampionëve.

Sipas medieve italiane, e ardhmja e sulmuesit argjentinas është mes Spanjës dhe Anglisë, më saktësisht Madridit dhe Londrës.

Nuk bëhet fjalë për një rikthim të bujshëm në Real Madrid, por te rivali i mbretërve, Atletico Madrid e cila po e kërkon me çdo kusht.

Në anën tjetër më e favorizuar duket Arsenali, e cila është e gatshme të ofrojë deri në 40 milionë euro për lojtarin.

Mbetet të shihet gjatë verës se ku do të vazhdoj Higuain të luaj, por një gjë është e sigurt, Napoli do të mbetet pa ‘bomberin’ e tyre.