Hamburg, 18 qershor - Hamburgu ka vendosur që ta largojë Valon Behramin, por edhe disa lojtarë tjerë. Klubi gjerman pati sezon katastrofal, ndërsa mjaft keq i ka punët edhe me financa.

Gazeta e madhe gjermane, “Bild”, ka raportuar se Hamburgu ka nevojë për t’i mbushur arkat, andaj gjatë verës do t’i largojë disa lojtarë. I pari që duhet t’i bëjë gati valixhet është mesfushori kosovar, i cili luan për Zvicrën.

Behrami ishte transferuar nga Napoli në Hamburg si një përforcim shumë i madh, por as në minimum nuk i ka përmbushur pritjet e gjermanëve. Këta të fundit janë duke pritur oferta të klubeve tjera për mesfushorin shkatërrues, dhe më të mirën do ta pranojnë.