Munich, 10 prill - Pep Guardiola është i ngazëllyer që skuadra e tij ruajti durimin dhe arriti të mposhtë United në takimin e mbrëmshëm të Ligës së Kampionëve.

Bavarezët barazuan 1-1 në ndeshjen e parë në Old Trafford, por e panë veten në disavantazh në ndeshjen e kthimit, para se të reagojnë duke shënuar tre gola.

“E dija se do të jetë vështirë. Kjo është çerekfinale e Ligës së Kampionëve dhe Manchester kishte portierin plus tetë lojtarë në kornizë”.

“Por ne ishim të durueshëm dhe kishim ca fat në shndërrimin e shanseve tona. Tash ne kemi arritur në gjysmëfinale dhe jam shumë, shumë krenar për ekipin tim”, ka thënë Guardiola.