Londër, 3 korrik - Për tu rikthyer menjëherë në Premier League Fulham ka hedhur sytë nga dy vëllezërit Xhaka.

Sipas të përditshmes gjermane “Bild”, tekniku i skuadrës londineze Felix Magath po ndjek me vëmendje dy futbollistët me orgjinë shqiptare dhe në ditët e ardhshme pritet ti bëjë një ofertë zyrtare Borussia Munchengladbach për Granitin por edhe Baselit për Taulantin.

Në fakt objektivi i parë i Fulham që sezonin e ardhshëm do të luajë në Championship është 21-vjeçari që aktivizohet në rradhët e përfaqësues zvicerane megjithatë për të bindur Granitin të afrohet te ekipi i tij, Magath është i gatshëm të transferojë në Londër edhe vëllain e tij të madh Taulant Xhakën.

Fakti që mund të luajë sërish në një skuadër me të vëllain mund ta bindë mesfushorin e Borussia Munchengladbach të transferohet në “Craven Cottage”, megjithatë për të transferuar Granit Xhakën në ishull, Fulhami më parë duhet të mposhtë konkurencën e klubeve të mëdha europiane si Interi, Napoli dhe Evertoni që kanë shfaqur interes të vazhdueshëm për të.