Fiorentina, 11 prill - Skuadra e Fiorentinës ka shprehur interesim për shërbimet e mesfushorit të Sunderlandit, italianin Emanuele Giaccherini, shkruan të enjten e përditshmja “Gazzetta dello Sport”.

Mësohet se Fiorentina është e gatshme t’i paguajë Sunderlandit një dëmshpërblim prej pesë milionë eurosh për Giaccherinin, i cili ka kontratë deri në verën e vitit 2017.

Giaccherini te Sunderlandi u pati transferuar para fillimit të këtij edicioni nga skuadra e Juventusit për 7.5 milionë euro.

Mirëpo, mesfushori italian nuk është përshtatur në Premier League dhe është i gatshëm të rikthehet në Serie A, pasi edhe Sunderlandi po lufton këtë edicion për mbijetesë. Pos Fiorentinës, edhe Genoa po e monitoron situatën e mesfushorit.