Madrid, 11 maj - Kolumbiani Radamel Falcao pritet të rikthehet serish në La Liga, por jo te Atletico Madrid, por te Sevilla.

Mediet në Spanjë raportojnë se stafi drejtues i Sevillas e ka identifikuar sulmuesin e huazuar në Manchester United si zëvendësues ideal për sulmuesin Bacca, i cili në merkaton e verës besohet së do të largohet nga Sevilla.

Falcao ka qenë pjesë e Atleticos dhe formën më të mirë e ka kaluar në këtë skuadër, kur më pas u transferua në Monaco. Nga kjo e fundit u huazua në “Old Trafford”, ku dështoi të tregojë më të mirët nga vetja.