Barcelonë, 8 dhjetor - Trajneri i Barcelonës, Luis Enrique, ka thurur lëvdata për Lionel Messi, pasi ky i fundit shënoi hat-trick në fitoren 5-1 ndaj Espanyolit.

“Deri te shënimi i golit të parë loja ishte relativisht e qetë. Ne humbëm një mori rastesh. Barazimi nga ana e Messit ishte kyç për shkak se në pjesën e dytë ne ishim shumë më të mirë”, ka thënë Enrique.

“Ne kemi qenë shumë efektiv dhe me lojtarët që kemi është vështirë për ekipet tjera kur ne jemi në formë të mirë”.

“Messi ishte vendimtar me golat e tij, por edhe me mënyrën se si ai krijon shanse. Ai ishte jashtëzakonisht i përfshirë në gjithë fushën dhe këtë e kemi parë nga ai nga fillimi i sezonit”, ka shtuar spanjolli.