Milano, 5 maj - Milani do t’i dëgjojë ofertat për Stephan El Shaarawy gjatë kësaj vere, raportojnë mediat italiane.

Sulmuesi sapo është rikthyer në fushë për ekipin e të rinjve të trajnerit Pippo Inzaghi, megjithatë e ardhmja e tij me Milanin është vënë në dyshime.

Corriere dello Sport raporton se drejtuesit Milanit janë të kënaqur që El Shaarawy po kthehet, por ata mendojnë ta shesin atë me qëllim që të krijojnë fonde për transferime të verës.

Sulmuesi 21-vjeçar është i lidhur me Milanin deri në vitin 2018 dhe fiton 2.5 milionë euro në vit.