Manchester, 10 shkurt - Mesfushori i Manchester United, Angel Di Maria, beson se ylli i Barcelonës, Lionel Messi, nuk do të kishte probleme që të punonte me trajnerin e Chelseat, Jose Mourinhon.

Mediat spanjolle kohëve të fundit kanë spekuluar shumë për një largim të mundshëm të superyllit argjentinas nga Barcelona, teksa Chelsea e Mourinhos është e gatshme që ta transferojë atë në Stamford Bridge.

Për këtë ka diskutuar edhe bashkëkombasi i tij, Di Maria, i cili ka thënë se ata nuk do të kishin probleme mes vete.

“Unë nuk besoj se Messi do të kishte problem që të punonte me Mourinhon. Por, në princip, nuk mendoj se Leo dëshiron të largohet nga Barcelona. Është vështirë të largohesh nga një klub që të ka dhënë gjithçka, ku vazhdimisht jeni zhvilluar”, ka thënë Di Maria.