Manchester, 4 shkurt - Mesfushori i Përfaqësueses së Holandës, Nigel de Jong, në fund të këtij edicioni pritet t’i bashkohet skuadrës së Manchester Unitedit, përcjell “Daily Mirror”.

 De Jong te Manchesteri do të transferohet si futbollist i lirë, pasi në verë i skadon kontrata me skuadrën e Milanit.

De Jong pëlqehet shumë nga trajneri i Manchesterit, Louis van Gaal, i cili tashmë i ka ofruar kontratë trevjeçare me mundësi vazhdimi edhe për një vit tjetër.

Mesfushori 30-vjeçar, këtë edicion ka regjistruar 15 paraqitje për skuadrën e Milanit dhe ka shënuar dy gola në Serie A.

Ai te skuadra italiane u transferuar në verën e vitit 2012 nga Manchester City.
De Jong, karrierë ka bërë edhe te skuadra e Hamburgut dhe ajo e Ajaxit.