Manchester, 10 shtator - David De Gea është kthyer në Manchester të mërkurën, pas ndeshjes që e zhvilloi me Kombëtaren e Spanjës.

De Gea nuk mori pjesë në stërvitjen e klubit, mirëpo ishte pjesë e një kuizi “question and answer session’, bashkë me menaxherin Louis Van Gaal.

Në rast se lojtari fillon stërvitjet nesër, ai mund të jetë pjesë e ekipit të United për derbin ndaj Liverpoolit të shtunën, raporton Goal.

Lojtari ishte lënë jashtë skuadrës gjatë kohës sa ishte afër transferimit në Real Madrid, kalim ky që dështoi në çastet e fundit të afatit kalimtar.