New York, 15 shtator - Real Madridi nuk është më klubi me vlerën më të lartë në botë, në listën e përvitshme të revistës prestigjioze “Forbes”.

Klubi i futbollit amerikan, Dallas Cowbos, pavarësisht se ka dështuar të fitojë “Super Bowl” në 20 vjetët e fundit është vlerësuar me 4 miliardë dollarë, teksa Reali vjen pas tij me 3.26 miliardë dollarë.

Kampioni i Evropës, Barcelona, është ekipi tjetër futbollistik që futet në top pesëshe, me vlerë 3.16 miliardë dollarë, prapa New England Patriots, fituesit të “Super Bowl” dhe ekipit të bejsbollit New York Yankees.

Manchester United ka vlerën më të lartë në Premier Ligë me 3.1 miliardë dollarë, pas marrëveshjes 10-vjeçare me sponsorin Adidas.