Manchester, 18 shtator - Manchester City nuk e ka ndërmend të heq dorë nga ylli i Juventusit, Paul Pogba.

‘Qytetarët’ gjatë tregut të verës që lamë pas provuan që ta blejnë talentin francez, por lojtari i mbeti besnik kampionëve në fuqi të Italisë.

Sipas mediave angleze, krerët e Manchester City-t janë duke hartuar një plan që në afatin e janarit ta transferojnë mesfushorin francez, edhe pse ky operacion duket i vështirë për shkak së tashmë Pogba është lojtari kyç tek Juve.

Siç raportojnë mediat në ishull, City do t’ia ofrojë Juvës 60 milionë euro, plus Yaya Toure për Pogban, i cili me Juvën ka kontratë deri në vitin 2019.

Ndryshe, lojtari monitorohet edhe nga Barcelona dhe Real Madridi.