Londër, 17 shkurt - Interi është duke e ndjekur Khouma Babacar dhe kështu duket se Interi ua ka hapur derën Manchester Unitedit dhe Chelseas për të luftuar për sulmuesin Mauro Icardi.

Të dy klubet nga Anglia janë të etur për të siguruar shërbimet e sulmuesit argjentinas 21 vjeçar, i cili i ka 13 gola në 22 paraqitje këtë sezon me Interin në Serie A.

Kurse në dy sezonet e tij tek Interi, ka 27 gola në 52 ndeshje, transmeton Koha.net.

Sipas Interit, vlera e kartonit të Icardit është rreth 30 milionë funte. Siç duket, Interi është pajtuar që Icardi të largohet dhe atë ta zëvendësojnë me sulmuesin e Fiorentines, Babacar, shkruan “Daily Express”.

Bisedimet rreth kontratës në mes dy palëve thuhet se kanë ngecur, ndërsa ky lajm ka tërhequr ekipet nga Premier Liga të cilat kanë përgatitur ofertat për lojtarin.