Madrid, 3 tetor - Iker Casillas e ka pranuar se mund të largohet nga Real Madridi gjatë janarit. Portieri spanjoll e ka mjaft të vështirë ta thotë këtë, pasi kaloi vitet më të mira të karrierës pikërisht në Santiago Bernabeu.

“Kur kalon shumë kohë pa luajtur, mendon të largohesh nga Real Madridi. Nuk mund ta mohoj këtë, por në të njëjtën kohë më sillet në kokë ideja për të qëndruar këtu.\"

\"Nëse trajneri kërkon që unë të luaj në Ligën e Kampionëve, më duhet ta provoj këtë. Kishin kaluar 8 muaj pa luajtur. Ideja ime është që të vazhdoj këtu dhe ta përfundoj karrierën, por nuk i dihet”, deklaroi përfaqësuesi spanjoll.

“Unë jam paksa nervoz. Nuk është e lehtë për mua që të qëndroj jashtë fushës për një kohë të gjatë. Jam i lumtur që trajneri ma dha rastin. Duhet ta kuptojmë se duhet të luftojmë për të mirën dhe rëndësinë e Realit. Më i rëndësishëm është ekipi sesa individët”, përfundoi Casillas.